www.omgeekerk.co.za

Aankondiger 2019-09-15

In die vroeë oggendure van Saterdag 14 September is Saoedi-Arabië se olieproduksie na bewering in die helfte gesny nadat twee groot olie-raffinaderye in Saoedi oënskynlik deur hommeltuig aanvalle aan die brand gesteek is. Geen ongevalle is aangemeld nie, maar die produksie-stilstand beloop ’n verlies van ongeveer vyf miljoen vate per dag of 5% van die wêreld se daaglikse produksie van ru-olie. Die impak is onmiddellik gevoel toe oliepryse die hoogste vlak in ses maande bereik het.

Die aanvalle het spanning tussen Amerika en Iran verhoog. Saoedi-Arabië is die tuiste van ongeveer 34 miljoen mense, waarvan ongeveer 31 miljoen ‘onbereik’ is

Aankondiger 2019-09-06

Op Sondag, 1 September, is missiele oor-en-weer gevuur langs die grenss tussen Israel en Libanon, ná ’n week van spanning tussen dié twee lande. Hassan Nasrallah, die leier van Hisbolla in Libanon, het opnuut bevestig dat die groep op enige Israeliese hommeltuig-aanvalle sal reageer, maar het benadruk dat hulle nie wil hê dat die konflik moet vererger nie.
Continue reading →

Aankondiger 20190901

Op Sondag 25 Augustus het Brasilië se president, Jair Bolsonaro, militêre operasies in sewe state gemagtig om die brande in die Amasone te bestry. Oorlogsvliegtuie het begin om water op die brandende woude in Rondonia, ’n staat wat deel uitmaak van die Amasone-oerwoud, te stort in ’n poging om die verwoestende brande te beëindig.

Bykans 80,000 brande is vanjaar in Brasilië aangeteken, die grootste aantal brande sedert hulle in 2013 begin rekord hou het. Duisende betogers het na die strate van Rio de Janeiro gestroom om te eis dat die regering meer moet doen om die reënwoud te beskerm.

Die brande in die Amasone-reënwoud het ’n wêreldwye kwessie geword.
Die Amasone-reënwoud in Brasilië is die grootste van sy soort op aarde. Dit word dikwels die ‘longe van die planeet’ genoem vanweë sy belangrike rol in die vervaardiging van suurstof, wat regoor die wêreld deur weerstelsels vervoer word. Bid asseblief saam vir Brasilië.(Genesis 1:12)

Aankondiger 25/08/2019

Kliek op skakel om Aankondiger te sien

Aankondiger 2019-08-16

Op Woensdag 7 Augustus het die Europese Kommissie aangekondig dat hy €50 miljoen ($56 miljoen) in nood humanitêre fondse bewillig om gemeenskappe wat deur die droogte, in die Horing van Afrika geraak word, te ondersteun. Die droogte het middel 2018 begin en die streek het minder as 50 persent van sy gemiddelde jaarlikse reënval tussen Maart en middel Mei 2019 ontvang. Hierdie droogte raak meer as agt miljoen mense in Ethiopië, meer as vyf miljoen in Somalië en meer as 1.5 miljoen in Kenia. 

Baie van die droogtegeteisterde gebiede, word ook deur interne geweld en konflik geraak, aangesien veewagter-gemeenskappe om kwynende hulpbronne meeding, ondervoeding, hongersnood en aansteeklike siektes.
Die Horing van Afrika is die tuiste van ongeveer 115 miljoen mense. Somalië het die kleinste Christen- gemeenskap (0.3% belydende Christene), terwyl Kenia die grootste hoeveelheid Christene het (78%). 
Bid asseblief saam

“Ek soek U, o God, my God, ek dors na U; ek smag na U soos in ‘n dor en droë land, ’n land sonder water.” (Psalm 63:2)