www.omgeekerk.co.za

Aankondiger 2019-10-20

Aankondiger 2019-10-11

Aankondiger 2019-10-04

Irak se regering het op Sondag 6 Oktober aangekondig dat meer as 100 betogers en agt veiligheidsbeamptes dood is en meer as 6,000 beseer is in ses dae van landswye betogings. Betogers het geëis dat korrupsie, nepotisme en massawerkloosheid tot ’n einde moet kom en dat die voorsiening van basiese dienste moet verbeter. Dit het op 1 Oktober in Bagdad begin, maar het spoedig na ander Irakse stede versprei. Die onrus is die ernstigste uitdaging wat Irak in die gesig staar, sedert hulle twee jaar gelede die militante van die Islamitiese Staat oorwin het. 

Die Kerk in Irak is een van die oudstes ter wêreld, maar het die afgelope paar jaar onder geweldige druk verkeer, en Christene staar ná 1,400 jaar van vervolging, uitwissing in die gesig.  Die meeste van hulle het na ander lande gevlug. Bid asseblief saam vir Irak

Op Dinsdag 1 Oktober het China 70 jaar se Kommunistiese Party-bewind gevier, ter herdenking van die dag toe Mao Zedong die stigting van die Volksrepubliek China verklaar het. Ondanks Mao se kontroversiële nalatenskap (sy beleid het gelei tot die dood van miljoene mense), is die hedendaagse China se ‘stigtersvader’ tydens dié vieringe vereer.

Soos China as ’n nasie gegroei en ontwikkel het, só ook het die Chinese Kerk gegroei. Ondanks dekades van ernstige vervolging deur die regering, is daar amptelik tans ongeveer 60 miljoen Christene in China (hoewel die werklike getal waarskynlik tussen 100 en 120 miljoen is) en kan die Chinese Kerk teen 2030 die grootste Christelike bevolking ter wêreld uitmaak.  Chinese sendelinge bereik omliggende lande met die evangelie. Christene word steeds vervolg.  Bid asseblief vir hierdie uiters strategiese nasie.

Aankondiger 2019-09-27

Die afgelope dae het klein getalle Egiptenare in Kaïro en ander stede regoor Egipte betoog om hul misnoë oor die aantygings van korrupsie deur president Abdul Fattah el-Sisi en sy regering, te kenne te gee. Die protesoptrede – wat ongekend is in el-Sisi se Egipte – het die skree van slagspreuke, wat tydens die Arabiese lente-rewolusie in 2011 gebruik is, ingesluit en het tot skermutselinge en tientalle arrestasies gelei. Hooggeplaasde amptenare word daarvan beskuldig dat hulle miljoene spandeer aan luukse hotelle en huise, terwyl baie Egiptenare ekonomies swaarkry.

Hoewel Christene ’n minderheidsgroep in Egipte is, maak hulle ’n beduidende deel van die bevolking (na raming 10%) uit en hulle is die grootste liggaam van gelowiges in die Arabiese wêreld. Bid saam (1) vir die Kerk in Egipte – dat Christene die goeie in die land sal meebring; en (2) vir diegene wat ekonomies swaarkry – dat hulle die Here sal leer ken as hul liefdevolle Vader

Kliek gerus op die onderstaande skakel om na Dr Moolman se boodskap te luister.

Aankondiger 2019-09-22